जेन जी प्रदर्शनको क्रममा प्रहरीको गोली लागेर अहिलेसम्म १३ प्रदर्शनकारीको मृत्यु, दर्जनौं घाइते

स्थानीय न्यूज, भदौ २३ गते।
संघिय राजधानी सहित देशव्यापी रुपमा सोमवार भईरहेको प्रदर्शनका क्रममा प्रहरीको गोली लागेर अहिले सम्म १३ जनाको मृत्यु भईसकेको छ ।
जिन जी प्रदर्शन गर्न युवापुस्ताको आन्दोलन उग्र बन्दै बानेश्वर स्थित संसद सचिवालको पर्खाल भत्काएर भित्र प्रवेश गरेपछि प्रहरीको गोली लागेर अहिले सम्म १३ जनाको मृत्यु भइसकेका छन् ।
सोमवार दिउसो ३.४५ बजेको समय सम्म सिभिल अस्पतालमा २, ट्रमा सेन्टरमा ६, केएमसीमा १, त्रिवी शिक्षण अस्पतालमा १ र एभरेष्ट अस्पतालमा ३ जना गरी १३ जनाको मृत्यु भईसकेका हुन् ।

प्रहरीको गोली लागेर दर्जनौं युवक विद्यार्थीहरु घाइते भईसकेको हुँदा राजधानीको विभिन्न अस्पतालहरुमा उपचार जारी रहेको छ । बानेश्वर क्षेत्रमा निकै तनाव बढेपछि सरकारले सेना परिचालन गरेका छन् ।
यसैगरी, बुटबल, नारायणगढ, हेटौडा, विरगंज, चन्द्रपुर, जनकपुर, मोरंग झापा, पोखरा, नेपालगञ्ज लगायत मुलुक भरी जिन जी ले प्रदर्शन जारी राखेका छन् । मुलुकमा बढ्दै गएको भ्रष्टाचार, वेरोजगारी, महगाई लगायतका बेथितीका विरुद्ध २७ बर्ष मुनीका युवाहरुको प्रदर्शनबाट सरकार आक्रान्त भई गोली चलाउदा उक्त घटना भएको बताइएको छ ।

सामाजिक संजालको प्रयोग गर्दै भ्रष्टाचार, आर्थिक असमान्ता, अलोकतान्त्रिक शासन र महगी विरुद्ध आवाज उठाउने २७ बर्ष मुनिका युवाहरुद्वारा गठित जिन जी ले सुरक्षा घेरा तोड्दै संसद सचिवालय भित्र प्रवेश गरेपछि काठमाडौं जिल्ला प्रशासन कार्यालयले कर्फयु आदेश जारी गरेको थियो ।
माइतीबाट सुरु भएको प्रदर्शन बानेश्वर पुगेको थियो । त्यहाँबाट पनि पर्खाल नाघेर संसद् भवन भित्र प्रवेश गरेपछि प्रहरीले अश्रुग्यास प्रहार गरेको थियो । अवस्था तनावपूर्ण भएपछि अहिले कर्फयु आदेश जारी गरिएको थियो।

यसैबिच जिन जी प्रदर्शनकारीले बानेश्वरस्थित संसद भवनको पर्खाल भत्काएपछि उनीहरूले संसद भवनमा छिर्ने क्रममा पर्खालमा ढुंगामुढा गरेका थिए । सो क्रममा २ नम्बर गेटको पर्खाल भत्किएको छ ।
विभिन्न राजनीतिक दलहरुले जिन जी को जायज मागलाई पुरा गर्न समेत सरकार माथि दवाव बनाएको बुझिएका छन् ।