रौतहटको गरुडाबाट प्रदेश सभामा बने एक दर्जन भन्दा बढी उम्मेदवार

कुमार चन्दन।रौतहट।असोज २४ गते

रौतहटको गरुडा नगरपालिकाबाट प्रदेश सभाका लागि एक दर्जन भन्दा बढी उम्मेदवार देखिएका छन् । संघीय निर्वाचन क्षेत्र नम्बर ४ को २ बाट प्रदेश सभाका लागि गरुडा नगरपालिका क्षेत्रबाट एक दर्जन भन्दा बढी उम्मेदवार रहेको देखिएका छन् ।

क्षेत्र नम्बर ४ को २ मा गरुडा नगरपालिकाको वडा नम्बर २, ३, ४, ८ र ९ रहेकामा वडा नम्बर ३ बाट कुनै उम्मेदवारी परेको छैन भने सबैभन्दा बढी उम्मेदवारी गरुडा नगरपालिका वडा नम्बर ४ बाट परेको छ । गरुडा नगरपालिका वडा नम्बर २ बाट जयनाथ यादव, वडा नम्बर ४ बाट स्वतन्त्रबाट रामकृष्ण चौधरी, वडा नम्बर ४ कै संघीय समाजवादी पार्टीबाट लक्ष्मी साह सोनार, वडा नम्बर ४ कै रवि जयसवाल, वडा नम्बर ४ कै बहुजन एकता पार्टीका सत्यनारायण महरा चमार, वडा नम्बर ४ कै सन्तोष कुमार साह, वडा नम्बर ४ कै मोहन कुमार साह, वडा नम्बर ४ बाटै नेपाल मजदुर किसान पार्टीका मदन किशोर लाल कर्ण, वडा नम्बर ८ बाट राजीव गुप्ता, वडा नम्बर ८ कै राष्ट्रिय प्रजातन्त्र पार्टी नेपालबाट साहिल जयसवाल, वडा नम्बर ८ का अरविन्द साह, गरुडा नगरपालिका वडा नम्बर ९ का जनमत पार्टीका राम प्रवेश राय यादव, वडा नम्बर ९ का समीर शेखले मनोनयन दर्ता गराएका छन् । वडा नम्बर ४ बाट प्रदेश सभा सदस्यको लागि ७ जनाको उम्मेदवारी परेको देखिएको छ ।