Sthaniya News
आरएन पटेल,पुस २९ गते
नेपाल रेडक्रस सोसाइटी सरमुजवा उपशाखाको २५ औं वार्षिक साधारणसभा सम्पन्न भएको छ । जिल्लाको बौधीमाइ नगरपालिका स्थित रहेको नेपाल रेडक्रस सोसाइटी सरमुजवा उपशाखाको वार्षिक साधारणसभा सम्पन्न भएको छ ।
बौधिमाई नगरपालिकाको वडा नम्बर ७ स्थित रहेको श्री आधारभूत बिधालय छोटी भन्सार बंकुलमा शुक्रबार साधारणसभा बोलाइएको थियो । कार्यक्रमको प्रमुख अतिथी बौधिमाइ नगरपालिकाका नगरप्रमुख प्रदिप यादव तथा विशिष्ट अतिथी नेपाल रेडक्रस सोसाइटी रौतहटका सभापती राजकिशोर यादव रह्नु भएको थियो ।
उपशाखाले २५ औं वार्षिक सधारणसभामा वर्षभरीको खर्च,अगामी योजना सहितको विषयमा छलफल गरेको थियो । सो अवसरमा अतिथीहरु उपमेयर प्रमिला देवी,उप कोषाध्यक्ष शेख कैमुदिन,वडा अध्यक्ष मुक्तिनारायण मिश्र,प्रहरी चौकीबंकुलका इन्चार्ज रामबाबु महतो,बिओपी सरमुजवाका इन्चार्ज विष्णु उप्रेती,रेडक्रस रौतहट जिल्ला सदस्य कपिलदेव पंडित सहितका सयौं व्यक्तीहरुको सहभागिता रहेको थियो ।
कार्यक्रमको अवसरमा साधारणसभा पछि २७ जना जेष्ठ नागरिकहरुलाइ कम्बल वितरण गरिएको रौतहट शाखाका मन्त्री धर्मेन्द्र सिंहले जानकारी गराउनु भएको हो । यसका साथै सोही दिन रौतहट अन्तर्गत यस संस्थाका विभिन्न उपशाखाहरुमा पनि वार्षिक साधारण सम्पन्न भएको छ ।
