Sthaniya News
रौतहट, मंसिर १५ गते।
रौतहटमा छोराको धारिलो हतियार प्रहारबाट बुबा गम्भीर घाइते भएको छ । जिल्लाको देवाही गोनाही नगरपालिकाको वडा नं. ३ देवाही टोल बस्ने एक जना छोराले धारिलो हतियार प्रहार गरि आफ्नै ७० बर्षीय बुवालाई गम्भीर घाईते बनाएको छ ।
घरेलु धारिलो हतियार प्रहार गरि घाटी काटेर गम्भीर घाइते बनाएको छोरालाई ईलाका प्रहरी कार्यालय देवाही गोनाहीले नियन्त्रणमा लिएको छ ।
देवाही टोल बस्ने ७० बर्षीय कंचन बैठालाई शनिवार आफ्नै ३० बर्षीय छोरा रबिन बैठाले घरेलु धारिलो हतियार घाटीमा प्रहार गरि गम्भीर घाइते बनाएको ईलाका प्रहरी कार्यालय देवाही गोनाहीले जनाएको छ ।
बैठालाई घाटीमा धारिलो हतियार प्रहार गरि गम्भीर घाइते बनाए पश्चात् चिन्ताजनक अवस्था रहेकोले उहाँलाई उपचारको लागि बिरगंज लगिएको छ भने छोरा रबिनलाई ईलाका प्रहरी कार्यालय देवाही गोनाहीले आफ्नो नियन्त्रणमा लिएको छ । घटनाको विषयमा अनुसन्धान भइरहेको जिल्ला प्रहरी कार्यालय रौतहटले जनाएको छ ।
