फतुवा विजयपुरमा जसपा नेपालको संगठन निर्माण कार्य तीव्र गतिमा।

रौतहट,माघ१६ गते।
रौतहटको फतुुवा विजयपुर नगरपालिकामा जनता समाजवादी पार्टी नेपालले धमाधम संगठन निर्माणको काम गरिहेको छ । जनता समाजवादीको पार्टीको गढ मानिएको फतुवा विजयपुर वडा नम्बर ११ मा आज वडा स्तरीय बैठकमा सहभागी जसपाका नेताहरुले आगामी चुनावको तयारी स्वरुप अहिले देखिनै कसरत थालेको बताएका हुन् ।

जनता सँग जनता समाजवादी पार्टी,नेपाल अधारभूत संगठन निर्माण अभियान अन्र्तगत मंगलवार वडा नम्बर ५ सोनालाल कुशवाहाको अध्यक्षतामा २५ सदस्य वडा कमिटि गठन गरिएको थियो भने बुधवार वडा नम्बर ११ मा सिताराम चौधरीको अध्यक्षतामा २५ सदसीय वडा कमिटि गठन गरिएको छ ।
नगर कमिटि अध्यक्ष जयमंगल यादवको अध्यक्षतामा भएको बैठकबाट गठित कमिटिको उपाध्यक्षमा पूर्ण बहादुर खापाङ्गी,महिला उपाध्यक्षमा रविना मगर लुुङ्गेली,कोषाध्यक्षमा नविन अधिकारी,सचिवमा पाडव किरिङ,सह सचिवमा तेजनारायण चौधरी,उपेन्द्र पटेल रहेका छन् ।
त्यस्तै सदस्यहरुमा हेमनारायण चौधरी,सन्तलाल चौधरी लगायतका व्यक्तीहरु रहेको जसपा मधेश प्रदेश कमिटि सदस्य विजय चौधरीले जानकारी गराएका हुन् । संगठन निर्माणको काम अन्य वडामा पनि लगातार गर्ने उनले बताएका हुन् ।

कार्यक्रममा सम्बोधन गर्दै जसपाका केन्द्रिय सदस्य विन्देश्वर यादवले यहाँको स्थानिय सरकारको अनुुभूती जनताले गर्न नसकेको बताए । भागबण्डा गर्नमा नै व्यस्त रहेका जनप्रतिनिधीहरुले कुनै काम गर्न नसकेको अरोप लगाएका छन् ।
त्यस्तै अर्का वक्ता प्रदेश कमिटि सदस्य विजय चौधरीले २०८४ मा हुने निर्वाचनमा जसपालाइ फतुवा विजयपुरमा मजबुुत बनाउनु पर्नेमा जोड दिएका थिए । जबसम्म परिवर्तन हुँदैन तबसम्म विकास हुन सक्दैन् । त्यसैले जसपालाइ हरेक टोल टोलमा बलियो बनाउनुु पर्ने अहिलेको आवश्यकता रहेको बताए ।

संगठन निर्माण कार्याक्रममा जसपाका केन्द्रिय सदस्य रामअश्रे चौधरी,प्रदेश कमिटि सदस्य पुनित राम लगायतका नेताहरुले पनि कार्यक्रमका वक्ताको भूमिका निर्वाह गरेका थिए । सो अवसरमा जसपाका नेता कार्यकर्ताहरुको उपस्थिती रहेको थियो ।