Sthaniya News
रौतहट, कार्तिक २८ गते।
जिल्ला प्रहरी कार्यालय रौतहट, गौरले जारी गरेको प्रेस नोटअनुसार लिखत सम्बन्धी कर्तुत र अंगभंग मुद्दामा फरार रहेका दुई प्रतिवादीलाई प्रहरीले पक्राउ गरी अनुसन्धान अघि बढाएको छ।
लिखत सम्बन्धी कसुरमा एक जना पक्राउ
केशब प्रसाद पौडेलको जाहेरीका आधारमा दर्ता भएको लिखत कर्तुत सम्बन्धी मुद्दामा संलग्न रहेर फरार रहेका राधाकृष्ण उपाध्यायलाई प्रहरीले पक्राउ गरेको जनाएको छ।
जाहेरीअनुसार, रौतहटको कटहरिया वडा नं. १ (क) मा अवस्थित २४ कित्ता जग्गा-जसको कुल क्षेत्रफल ९ बिगाहा १८ कठ्ठा १५ धुर-अपचलन गरी हिनामिना गर्ने उद्देश्यले रौतहट जिल्ला अदालतको फैसला र पत्र नक्कली रुपमा तयार गरी उक्त जग्गा गैरकानूनी तरिकाले आफ्नो नाममा दर्ता गरेको आरोप छ।
मकवानपुर, हेटौंडा-८ का बसोबासी ५२ वर्षीया राधाकृष्ण उपाध्याय वारदातपछि फरार रहेका थिए। प्रहरीका अनुसार उनीलाई कार्तिक २३ गते पक्राउ गरिएको हो र हाल घटनासम्बन्धी थप अनुसन्धान भइरहेको छ।
अंगभंगसम्बन्धी मुद्दामा अर्को प्रतिवादी पक्राउ
अंगभंग मुद्दामा फरार रहेका विरेन्द्र राय यादवलाई पनि प्रहरीले अनुसन्धानका लागि पक्राउ गरेको छ।
रौतहट राजपुर नगरपालिका- १ बौहरवा निवासी ४० वर्षीय यादवले कार्तिक ७ गते साँझ ७ बजेको समयमा माईती घरमा बस्ने गायत्री देवीलाई रिसइवीका कारण बाँसको लाठीले कुटपिट गरी घाइते पारेका थिए।
वारदातपछि फरार रहेका यादवलाई कार्तिक २८ गते पक्राउ गरिएको र आवश्यक अनुसन्धान भइरहेको प्रहरीले जानकारी दिएको छ।
प्रहरीको आधिकारिक जानकारी
प्रेस नोटमा उल्लिखित विवरणहरू सूचना अधिकारी प्रहरी नायब उपरीक्षक विष्णु प्रदिप बस्यालद्वारा हस्ताक्षरित छन्। प्रहरीले दुवै घटनामा आवश्यक प्रक्रिया र अनुसन्धान कडाइका साथ अघि बढाइने जनाएको छ।
